Կրթահամալիրով կազմակերպվեց եռօրյա ճամբար դեպի Դիլիջան։Ես և քույրս նույնպես մասնակցեցինք։Շատ հետաքրքիր անցավ ու ես շատ տպավորված եմ։
Օր ՝ առաջին
Մենք հավաքվեցինք Մայր դպրոցում և ժամը ՝ 9.30 շարժվեցինք։Ճանապարհը լավ էր մինչև Սևան հասնելը։Սևանում ամբողջը ցուրտ էր և մառախլապատ։Մենք կանգնեցինք Սևանում և մի փոքր ճաշեցինք։Շատ գեղեցիկ էր այդ ժամանակ Գեղարքունյաց լեռնաշղթան,կարծես եղբայրներ լինեին միմյանց թև-թևի տված,որոնք կարծես քոչարի են պարում։
Ճաշելուց հետո մենք շարժվեցինգ դեպի գեղատեսիլ Դիլիջան։Մառախուղի մեջ համարյա բան չէինք տեսնում և նկատում։
Մառախուղը
Թունելը ելնելուց հետո մառախուղը անհետացավ։բայց երբ հասանք Դիլիջան ցուրտ էր,ձյուն չէր գալիս,բայց ձյունը ծածկել էր սարերի վեհ բարձրունքները և գագաթները։Հասանք տեղ,տեղավորվեցինք,ճաշեցինք և ուղևորվեցինք Գոշավանք,որը վերակառուցել է Մխիթար Գոշը և անունը դրել Նոր Գետիկ,և հետագայում անվանվել է «Գոշավանք»,ի պատիվ Մխիթար Գոշի։
Մենք մի հրաշալի վայր գտանք վանքի մոտ և իրականացրինք մեր կինոպոեզիան։Առաջին ֆիլմում նկարահանվեց իմ քույրը ՝ Նանեն և նա արտասանում էր «Աշուն» բանաստեղծությունը կիթարի նվագակցության տակ,որը նվագում էր մեր ճամբարի երեխաներից մեկը։
Երկրորդ ֆիլմում նկարահանվեցի ես և քայլելով արտասանում էի «Աշնան մեղեդի» բանաստեղծությունը,և նորից կիթարի նվագակցություն տակ։Իսկ հոտո շարժվեցինք հյուրատուն,ընթրեցինք,թեյեցինք և սկսեցինք խաղալ։
Մենք խաղացինք «Մաֆիա»,որի կանոններին և ձևին ծանոթ չէի,բայց կամաց-կամաց սկսեցի սովորել։Հավաքվեցինք մի մեծ սեղանի մոտ և սկսեցինք խաղալ։Խաղալուց հետո ամենքս ցրվեցինք մեր սենյակներով և քնեցինք։
Օր ՝ երկրորդ
Մենք արթնացանք,նախաճաշեցինք,նորից սկսեցինք խաղեր խաղալ և շարժվեցինք դեպի «Հաղարծին»։Դուրս գալուն պես տեսա,որ սկսել է ձյուն գալ և գետինը սկսում էր սառցակալել։Շատ գեղեցիկ էր ձյունը,բայց վատը այն էր,որ ցուրտ էր։
Եվ մենք վերջապես հասանք «Հաղարծին»։
Շատ գեղեցիկ էր Հաղարծինը,ես ինքս շատ եմ գնացել «Հաղարծին»,իմ քույրը այդտեղ էր կնքվել,բայց այդ ձյունով պատված ես դեռևս չէի տեսել։Ուղակի հրաշք էր։
Ուռենին էլ ուներ իր յուրահատկությունները,իր գեղեցկությունները և նրա վրա էր ընկել իր ողջ ծանրությամ սպիտակափայլ ձյունը և նա ինքստինքյա ավելի էր իր գլուխը խոնարհել։
Մենք մտանք եկեղեցիները,խաչակնքվեցին,մոմ վառեցինք և շարունակեցինք։Այնտեղ մի հին ծառ կար,որում կարող է մարդ տեղավորվել,այդ ծառի մոտ մենք ամբողջ ճամբարականերով նկարվեցինք և առաջ շարժվեցինք։
Հետ գալուց մենք նստեցինք մի տաղավար և ճաշեցինք։Այնտեղից փոքրիկ գետակ էր հոսում և այն շատ գեղեցիկ էր։
Այնքան գեղեցիկ դրվագներ կային,որ ես չկարողացա անտարբեր անցնել և լուսանկարեցի այդ բնության հրաշք պատկերները։
Հաղարծնից հետո այցելեցինք «ԱՅԲ»,Դիլիջանի կենտրոնական դպրոցը։
Մտանք ներս,և շրջեցինք դպրոցով։Կային տարբեր լաբարատորիաներ,գրասենյակներ,կաբինետներ,ճաշասենյակներ,լսարաններ,դասասենյակներ։Ինձ դուր եկավ այս դպրոցը։
Դպրոցից հետո,բոլորս տպավորված,գնացինք հյուրատուն։Ճաշեցինք և սկսեցինք «Մաֆիա» խաղալ։Թեյեցինք և պարկեցինք քնելու։
Օր ՝ երրորդ
Առավոտյան արթնացանք,նախաճաշեցինք և պետք էր պատրաստվել,որպեսզի գնանք Մաթոսավանք և Ջուխտակ վանք,բայց չհաջողվեց,որովհետև ճանապարհները սառցակալվել էին։Իմ ճամբարակիցները ուղևորվեցին Երևան,բայց ես և քույրս ուղևորվեցինք Իջևան։
Ես շատ սիրեցի իմ ճանապարհորդությունը և կցանկանայի,որ նորից մասնակցեմ։
Уведомление: Որպես Սեբաստացի, իմ գործունեության և նախաձեռնությունների մասին | Նվարդ Այնթաբյան☺